Rick Ross amsainisha Omarion MMG

Rick Ross ameendelea kuiimarisha kambi yake ya Maybach Music kwa kumsainisha Omarion.

Kwa uamuzi huo, yeye, Wale, Meek Mill na French Montana wana uhakika wa kupata hook ama chorus za nguvu kutoka kwa mtu wa nyumbani.

 “Kwanza kabisa nataka kumshukuru kila mmoja kwa kuja, si tu katika wakati huu muhimu sana katika maisha yangu ya muziki, lakini kwa siku hii special ya muziki” member huyo wa zamani wa B2K aliwaambia watu waliouhudhuria. “Kwa Rozay, nimefurahi sana. Leo nimekuwa mwanaume niliyetengenezwa”

"Nimleta Miami na akanichezea record kadhaa na nilishangazwa na nyimbo alizokuwa nazo, nyimbo alizokuwa anazifanyia kazi, nyimbo alizokuwa anaandika” alisema Rozay. Uchezaji wake si wa kawaida, ni muigizaji, ni mwandishi, nafikiri utakuwa ni uamuzi mzuri kwetu wote. Nimekuwa nikitafuta jinsi ya kupata records za R&B na nilihisi alikuwa msanii bora kufungua milango iliyowazi katika hilo. Nadhani maadili yake ya kazi na project yake zitaongea zenyewe”.

Wakati anaitangaza habari hii kwenye conference The Boss alikuwa amesindikizwa na mogul wa muziki nchini Marekani na ambaye Forbes imemtaja kuwa na hela katika game Diddy pamoja na Swizz Beatz.

Pia alitangaza kuwa albam yake ya God Forgives, I Don't itatoka mwezi July, lakini kutakuwepo na fujo nyingi kutoka kwa kambi ya MMG ikianza albam ya Maybach Music's Self Made Vol. 2 June 26, French Montana atafuatia na albam yake Excuse My French July 17 na baadaye  Meek Mill akidondosha yake Dreams and Nightmares August 28.