BBA: Prezzo na DKB wavalishwa magwanda ya adhabu, wacheza muziki pamoja

Baada ya vita vikali vya maneno kati ya Prezzo na DKB vilivyokaribia kusababisha jamaa hao wazipache kavu kavu, wamejikuta wakipewa adhabu na Biggie ya kuvaa magwanda maalum.

Magwanda hayo yanayofanana na Bwana Mifugo anayetibu wanyama kwenye zizi, yamewafanya wawili hao wapatane tena.

Prezzo aliyekuwa amevaa gwanda lenye rangi nyekundu alionekana akisakata rhumba na mwenzie DKB aliyekuwa na gwanda la njano, huku nyuso zao zikionesha kufurahia dance hilo.

Kutokana na adhabu hiyo DKB na Prezzo wamepewa jina la “Terrible Twins”

Wengi wanasubiri kwa hamu kituko gani kipya Prezzo ataibuka nacho hivi karibuni katika shindano la Big Brother Africa msimu wa saba lililopewa jina la Stargame.