Ripota wa kiume ambusu Will Smith, aambulia kibao

Nyota wa Hollywood Will Smith amekuwa gumzo kwenye internet baada ya kumtandika kibao mwandishi wa habari aliyekuwa anajaribu kumlazimisha kumbusu mdomoni wakati alipokuwa akizindua filamu yake ya Men In Black 3 wiki hii nchini Urusi.

Video hiyo imeanza kuonekana jana mchana May 18.

Will Smith alimtandika kibao ripota huyo raia wa Ukraine na tukio lenyewe kuchukuliwa kwenye tape.

Kitendo hicho kilimuudhi sana Will ambaye mwanzoni kabla ya kujua lengo la ripota huyo alionekana kumhug kwa furaha.

Baadaye lakini jamaa huyo akaanza kumbusu mashavuni na kulazimisha kumpiga denda.

Baada ya kumtandika kibao, Will alisema “ Ana bahati sikumtandika ngumi” (TMZ)

Imedaiwa kuwa ripota huyo aliyembusu Will amekuwa akiwafanyia hivyo mastaa kibao. 


Tukio hilo limekuja siki chache baada ya muigizaji huyo kutamka kumuunga mkono rais Barack Obama kuhusiana na ndoa za jinsia moja.