Goldie agoma kula, ahofiwa kutaka kujiua kisa Prezzo

Siku za hivi karibuni Goldie wa Nigeria amekuwa akikataa kula chakula huku wenzake kwenye jumba la BBA wakihofia kuwa huenda akajaribu kujiua.

Habari hizi zimewekwa wazi na Maneta wakati wa mazungumzo na Prezzo ambaye alishusha bomu jingine kuwa Goldie si dem wake.

Hayo yote yamekuja baada ya uhusiano kati ya Goldie na Prezzo kuingiwa na mdudu mbaya aliyeuchachua utamu wa penzi changa lililokuwa limeanza kuota kwenye udongo wenye rutuba.

Prezzo sasa hivi anaonekana kumfukuzia Zainab. Kwa mujibu wa Maneta, Goldie anaonesha dalili za kujiua na amekuwa akionesha tabia za ajabu tangu Prezzo ampige chini.

"Msichana huyu atajiua. Hataki kula na kusingizia anaumwa jino," Maneta alisema.

 ‘Amekuwa akijigeuzageuza kitandani na kuoneshaa vituko. Nadhani anataka attention pia,” Maneta aliendelea.

Prezzo alikuwa akisikiliza kwa makini wakati mwakilishi huyo wa Zimbabwe alipokuwa akimpa muhtasari wa kinachoendelea.

Kutokana na kuzinguana kwa Goldie na Prezzo baadhi ya watu wameanza kumtupia lawama Zainab kuwa ndio chanzo.