EATV kutoa milioni 5 kwa kundi bora la kucheza muziki

Kituo cha runinga nchini kinachosifika kwa burudani EATV kimekuja na shindano liitwalo Mia Mia Dance litakalofanyika jijini Dar es Salaam.

Shindano hilo linawataka watu wenye kipaji cha kucheza kuunda kundi la watu wanne hadi sita na kwenda kwenye usaili.

Usaili unaanza Ijumaa ya tarehe 22 kwa wilaya ya Kinondoni katika viwanja vya Leaders Club.

Usaili katika wilaya ya Ilala utafanyika Jumamosi ya tarehe 23 Jumamosi kwenye viwanja vya basketball, Don Bosco, na Temeke ni Jumapili yake yaani tarehe 24 kwenye viwanja vya TCC Chang'ombe.

Kundi likaloibuka na ushindi katika kinyang’anyiro hicho litajipatia zawadi ya shilingi milioni tano.