Polisi 500 kutawanywa kwenye show ya Bobi Wine na Bebe Cool

Bobi Wine

Polisi 500 wanategemewa kutawanya katika viwanja vya klabu ya Kyadondo Rugby na maeneo ya jirani katika show iliyopewa jina 'battle of the champions' ijumaa ya leo (May 4) jioni kati ya Bobi Wine na Bebe Cool.

Akiongea katika mkutano na waandishi wa mjini Kampala, mkuu wa kituo cha Jinja Road Andrew Kaggwa ambapo wasanii hao walikuwepo amesema kunategemewa kuwa na watu wengi hivyo ulinzi lazima uimarishwe.

"Tunapeleka polisi 500 kwasababu tunataka kulinda mali za watu uwanjani na maeneo yanayozunguka kwakuwa pamoja na watu wengi kuja kuburudika, kuna wale watakaokuja kufanya maovu kama wizi wa mfukoni” alisema Kaggwa.

Bebe Cool

Aliwaomba wasanii wote kuwatahadharisha mashabiki kutofanya fujo.

"Nataka kuchukua fursa hii kuwatahadharisha nyote (Bobi and Bebe) kuwa makini na meneno mtakayokuwa mnayatumiakwenye steji. Mnatakiwa kujua kuwa hii ni vita ya burudani na sio vita ya Sudan”

Mwaka 2010 watu kadhaa waliuawa katika klabu hiyo ya Kyadondo Rugby  kutokana na shambulio la kigaidi na hivyo kuwafanya baadhi ya watu kuhofia kwenda hapo katika matamasha mbalimbali.