Camp Mulla washindwa kupata visa mapema, wanaweza kuzikosa tuzo za BET

Kundi la Camp Mulla linaweza kujikuta likisubiria nyumbani habari za kama limeshinda tuzo kwenye kipengele cha Best International  Act Africa ya BET baada ya kuchelewa kushughulikia visa kwaajili ya kusafiri kwenda nchini Marekani kuhudhuria.

Kwa  mujibu wa ripoti ambazo hazijathibitishwa,vyanzo vya nchini Kenya vimedai kuwa kundi hilo limeshindwa kushughulikia visa mapema kwa ajili ya kusafiri kwenda kuhudhuria  tuzo hizo. 

Inasemekana baada ya kuchelewa, waliamua kuomba visa maalum kwa kuweka sababu ya kuwa wametajwa kwenye tuzo kubwa duniani. Visa maalum hutolewa kwa wale wanaosafiri kwasababu za ugonjwa, kutafuta hifadhi za kisiasa ama safari za kiserikali.

Waliamua kwenda kwenye interview mapema kabla ya tarehe waliyokuwa wamepangiwa lakini waliambiwa kuwa haiwezekani kufanya kabla ya tarehe husika.

Hivyo kundi hilo linaweza kupata visa lakini baadaye sana ambapo tuzo hizo zitakuwa zimeshatolewa.

Tuzo za BET mwaka huu zitafanyika jumapili hii, July 1 huku MC akiwa muigizaji wa filamu, Samuel  L Jackson.

Ufahamu mjengo wa P-Square – Square Ville

Mitandao ya burudani nchini Nigeria inadai kuwa kupata kiwanja kwenye maeneo ya Omole (Ikeja, Lagos) nchini Nigeria ni Naira milioni 100 ambako ndiko nyumba ya P-Square waliyoipa jina la Square Ville ilipo. 

Hizo ni sawa na zaidi ya shilingi milioni 900 za Tanzania.  Mingine inasema kuwa ukiiangalia nyumba yenyewe gharama yake ya haraka haraka ni zaidi ya dola milioni 2 za Marekani ambazo ni zaidi ya shilingi bilioni 3.1 za Tanzania, Damn!

Eneo la swimming pool

Sebule mojawapo

Awali nyumba hiyo inajengwa watu walipiga hesabu na kubaini kuwa imegharimu naira milioni 300 sawa na zaidi ya shilingi bilioni 2 na kitu. Wakati huo vitu vya ndani vilikuwa havijawekwa bado.

Square Ville ina bwawa la kuogelea, sebule sita, master bed rooms kumi n azote zikiwa na furniture za nguvu na mengine ambayo si lazima kuyataja.

Dah! P-Square wako mbali sana jamani!

Akon alipowatembelea March mwaka huu (angalia hizo tuzo nyuma yao)

Welcome to Square Ville

Ay asema hatochukua nyimbo zilizosalia B’Hits, ataandika upya

Msanii wa hip hop na mwimbaji nchini Tanzania Ambwene Yesaya aka Ay amesema hana mpango wa kuzichukua nyimbo zilizosalia B’Hits.

Ay amesema hayo wakati akihojiwa leo kwenye kipindi  cha Power Jams cha East Africa Radio japo amesisitiza kuwa atatoa taarifa rasmi ya kujibu barua za Hermy B ambazo zote ziliandikwa hapa exclusively.

Katika barua ya kwanza ya Hermy B alidai kuwa baada ya Ay kutokubaliana na gharama mpya ya kurekodia ya shilingi milioni 2 kwa wimbo, Ay alikaa kimya kiasi kilichomfanya (Hermy) amwambie azifuate nyimbo zake ambazo angempa bure. Hermy alisema kwa zile nyimbo ambazo hazijafanyiwa mixing itabidi Ay akazifanyie kwenye studio nyingine.

Hata hivyo kwa mujibu wa maelezo mafupi ya Ay aliyoyatoa leo kwenye Power Jams ni kwamba hana shida tena na nyimbo hizo na ameanza kurekodi upya.

Ametolea mfano wimbo wake mpya unaohit sasa hivi wa ‘Party Zone’ ambao video yake ina gharama kubwa kuliko zote zilizowahi kufanywa na msanii wa Tanzania, pamoja na wimbo walioperform na MwanaFA walipoalikwa kwenye Big Brother Afrika mwezi huu uitwao ‘money’.

Amesema pamoja na kwamba nyimbo hizo hatazichukua, bado ataendelea kuwa na haki ya mashairi yake ambayo akipenda anaweza kuyabadilisha zaidi na kurekodi studio anayoitaka, huku Hermy B akisalia na haki ya umiliki wa beat peke yake.

Mzee huyo wa commercial ameongeza kuwa hakuna mtu yeyote anayemsimamia na ana uhuru wa kufanya kazi na studio yoyote ndani na  nje ya nchi.

Hata hivyo amesema hawezi kubeza mchango wa B’Hits katika career yake lakini akaongeza kuwa wao pia (yeye na MwanaFa) wameiweka kwenye ramani studio hiyo, kitu ambacho Hermy B alikikubali kwenye barua aliyotuandikia.

Ambwene amesema tangu kuacha kurekodi B’Hits hajaona madhara yoyote kimuziki ama kibiashara na kazi zinaendelea vizuri kama kawaida.

Amesema kwa sasa yeye na MwanaFa wako busy kidogo na pindi wakitulia watakaa chini wote kwa pamoja kutoa maelezo yao rasmi na kujibu barua ya Hermy B.